თურქეთში საპრეზიდენტო და საპარლამენტო არჩევნები მიმდინარეობს
თურქეთში დღეს საპრეზიდენტო და საპარლამენტო არჩევნები მიმდინარეობს.
მოქალაქეები პრეზიდენტსა და 600-ადგილიან პარლამენტს ხუთწლიანი ვადით აირჩევენ.
მთელი ქვეყნის მასშტაბით საარჩევნო უბნები ადგილობრივი დროით დილის 8:00 საათზე გაიხსნა.
თურქეთის პრეზიდენტის არჩევის მხრივ, საარჩევნო ბიულეტენში ამომრჩევლებს არჩევანის გაკეთება პრეზიდენტ რეჯეფ თაიფ ერდოღანს, ოპოზიციონერ ქემალ კილიჩდაროღლუსა და სინან ოგანს შორის მოუწევს.
კიდევ ერთმა საპრეზიდენტო კანდიდატმა, მუჰარემ ინჯემ საკუთარი კანდიდატურა ხუთშაბათს მოხსნა.
დასავლური მედია ვარაუდობს, რომ დღევანდელმა არჩევნებმა შესაძლოა, ერდოღანის 20-წლიანი მმართველობა დაასრულოს. ერდოღანის მთავარი კონკურენტი ქემალ კილიჩდაროღლუა, რომელიც ექვსი ოპოზიციური პარტიის კოალიციური კანდიდატია. არჩევნებში მონაწილეობის უფლება 64 მილიონზე მეტ ამომრჩეველს აქვს.
v-if="article.gallery" v-html="article.gallery"
