თურქეთის უმაღლესი საარჩევნო საბჭოს ხელმძღვანელი აცხადებს, რომ დათვლილია ხმების 47%-ზე მეტი, თუმცა არ პასუხობს კითხვას, პრეზიდენტობის რომელი კანდიდატი ლიდერობს
თურქეთის უმაღლესი საარჩევნო საბჭოს ხელმძღვანელმა აჰმედ იენერმა ჟურნალისტებთან მოკლე განცხადება გააკეთა და ბოლო ოფიციალური ინფორმაცია მიაწოდა.
მისი თქმით, თურქეთში ამ დროისთვის დათვლილია ხმების 47,08% და საზღვარგარეთ ხმების 12,60%.
მან უარყო ბრალდებები, რომ საბჭო ოფიციალური შედეგების გამოქვეყნებას აგვიანებს.
ასევე მან არ უპასუხა კითხვებს, თუ რომელი კანდიდატი ლიდერობდა.
მანამდე ოპოზიციის ლიდერმა ქემალ ქილიჩდაროღლუმ საბჭო გააკრიტიკა შედეგების მიწოდების დაგვიანების გამო.
როგორც მედია წერს, თუ ვერცერთმა კანდიდატმა ვერ მოახერხმა ხმების 50%-ის მიღება, მეორე ტური 28 მაისს გაიმართება.
