ხათუნა სამნიძე - სასამართლოსა და ცესკოსთან დაკავშირებული ცვლილებები ემსახურება ძალაუფლების შენარჩუნებას და 2024 წლის არჩევნებზე “ქართული ოცნებისთვის“ სასურველი შედეგის გაფორმებას
„სასამართლოების შესახებ“ კანონპროექტი და ცესკოსთან დაკავშირებული ცვლილებები პირდაპირ კავშირშია მომავალ არჩევნებთან,- ამის შესახებ „რესპუბლიკური პარტიის“ თავმჯდომარე ხათუნა სამნიძემ განაცხადა.
მისივე თქმით, ორივე მიმართულებით ინიცირებული ცვლილებები ემსახურება ძალაუფლების შენარჩუნებას და 2024 წლის არჩევნებზე სასურველი შედეგის გაფორმებას.
„ქართული ოცნება“ ცდილობს სრულად დაიქვემდებაროს როგორც სასამართლო, ასევე ცესკო, რომ გარანტირებული ჰქონდეს 2024 წლის არჩევნების გაყალბების შედეგად შესაბამისი დასკვნა. მინდა შევახსენო მათ, გადახედონ უახლოეს წარსულს. როცა ხელისუფლება მაქსიმალურად გადართულია ძალაუფლების შენარჩუნებასა და კანონმდებლობის მორგებაზე, ის ძალიან მკვეთრ მარცხს განიცდის არჩევნებზე,“ - განაცხადა სამნიძემ.
