გაერთიანებული სამეფო უკრაინას შორ მანძილზე მოქმედ ასობით დამრტყმელ დრონს გაუგზავნის, - ინფორმაცია The Guardian-ი გაერთიანებული სამეფოს მთავრობაზე დაყრდნობით ავრცელებს.

მათივე ინფორმაციით, დრონების მოქმედების რადიუსი 200 კმ-ზე მეტია.

„დღეს პრემიერ - მინისტრი დაადასტურებს გაერთიანებული სამეფოს მიერ ასობით საზენიტო რაკეტის და უპილოტო საფრენი აპარატის დამატებით მიწოდებას, ასობით ახალ, შორ მანძილზე მოქმედი დრონის ჩათვლით, რომლის მოქმედების რადიუსი 200 კმ-ზე მეტია“, - აცხადებენ გაერთიანებული სამეფოს მთავრობაში.

მათივე ინფორმაციით, აღნიშნული დახმარების მიწოდება უახლოეს თვეებში, განხორციელდება, რადგან „უკრაინა ემზადება, რუსეთის შეჭრის მიმართ წინააღმდეგობა გააძლიეროს“.

შეგახსენებთ, უკრაინის პრეზიდენტი, ვოლოდიმირ ზელენსკი დღეს გაერთიანებულ სამეფოში ჩავიდა, სადაც პრემიერ-მინისტრ რიში სუნაკს შეხვდება.