რამაზ ნიკოლაიშვილი PABSEC-ის ფარგლებში თურქეთში მიმდინარე არჩევნებს დააკვირდა
რამაზ ნიკოლაიშვილმა, 14 მაისს, თურქეთის რესპუბლიკაში შავი ზღვის ეკონომიკური თანამშრომლობის საპარლამენტო ასამბლეის (PABSEC) სადამკვირვებლო მისიაში მიიღო მონაწილეობა. ამის შესახებ ინფორმაციას პარლამენტის პრესსამსახური ავრცელებს.
მათივე ცნობით, მისიის წევრები იმყოფებოდნენ ქალაქ კონიაში, სადაც დღის მანძილზე რამდენიმე საარჩევნო ოლქში მიმდინარე საპრეზიდენტო და საპარლამენტო არჩევნების ხმის მიცემის პროცესს დააკვირდნენ.
სადამკვირვებლო მისიაში, ასევე მონაწილეობდნენ შავი ზღვის ეკონომიკური თანამშრომლობის საპარლამენტო ასამბლეის გენერალური მდივანი ასაფ ჰაჯიევი და ასამბლეაში აზერბაიჯანის ეროვნული დელეგაციის წევრი მუსა გულიევი.
