განათლებისა და მეცნიერების კომიტეტის თავმჯდომარე გივი მიქანაძე და თავმჯდომარის პირველი მოადგილე გიორგი ჩაკვეტაძე ახალგაზრდა კონსტიტუციონალისტთა ასოციაციის წარმომადგენლებს შეხვდნენ. ამის შესახებ ინფორმაციას პარლამენტის პრესსამსახური ავრცელებს.

დეპუტატებმა ახალგაზრდებს ევროკავშირის 12-პუნქტიანი რეკომენდაციების შესრულების მიმდინარეობაზე ინფორმაცია მიაწოდეს. ასევე კომიტეტის საქმიანობის და განათლების სისტემაში დაგეგმილი ინიციატივების შესახებ ესაუბრნენ.

„ვისაუბრეთ კონსტიტუციის 27-ე მუხლზე, რომელიც ეხება განათლების უფლებას. ახალგაზრდებს გავაცანით ყველა ის აქტუალური საკითხი, რაზეც პარლამენტი მუშაობს", - აღნიშნა გიორგი ჩაკვეტაძემ.

ახალგაზრდებმა, ასევე დაათვალიერეს პარლამენტის სასახლე და ექვთიმე თაყაიშვილის სახელობის ქართული პარლამენტარიზმის მუზეუმი.