სანქცირებულ სასამართლო სისტემასთან დაკავშირებით ივანიშვილის რეჟიმთან თანამშრომლობა კატასტროფაა, - ამის შესახებ „ევროპული საქართველოს“ თავმჯდომარე, გიგა ბოკერია პარლამენტში რამდენიმე ოპოზიციონერის მიერ იუსტიციის უმაღლეს საბჭოს არამოსამართლე წევრების კანდიდატების მხარდაჭერის ფაქტს გამოეხმაურა.

როგორც გიგა ბოკერიამ აღნიშნა, სამარცხვინოა, როცა რაღაცას აკეთებ და კი არ იცავ შენს პოზიციას, ჩუმად ცდილობ ამის გაკეთებას.

„ჩვენ უნდა გვესმოდეს, რომ პოლიტიკური პარტიების წარმომადგენლების დეგრადაცია არ იწყება მაშინვე, ასეთი საქციელით, ჯერ იწყება უბრალო ტყუილებით, როცა ერთს იძახი და მეორეს - აკეთებ, ეს შეეხება მაგალითად, პარლამენტში შესვლა-არ შესვლის საკითხს.

როცა გუშინ ერთს იძახდი და დღეს მეორეს ამბობ და არც ხსნი, რატომ შეიცვალე პოზიცია, მსგავსი ქმედებები ზოგადად, როცა მოსულა ტყუილი და სიცრუე, შემდეგ ასეთი შემთხვევებით მთავრდება ხოლმე“, - განაცხადა გიგა ბოკერიამ.