ზურაბ აზარაშვილი - საუკეთესო ინტერესების გათვალისწინება იქნება, როგორც აქონდროპლაზიის, ასევე სხვა იშვიათი დაავადებების ნაწილში - ძალიან ფრთხილი და ყურადღებიანი, პასუხისმგებლიანი მიდგომა გვჭირდება

იშვიათი დაავადებების ათეულობით მედიკამენტია მეორედან მესამე კვლევის ფაზაში გადასული - აქედან გამომდინარე, ამასთან დაკავშირებით ძალიან ფრთხილი და ყურადღებიანი, პასუხისმგებლიანი მიდგომა გვჭირდება,- ამის შესახებ ჯანდაცვის მინისტრმა პარლამენტში „მინისტრის საათის“ ფორმატში გამოსვლისას აქონდროპლაზიის დაავადების მქონე ბავშვებისთვის საჭირო მედიკამენტზე საუბრისას განაცხადა.

მისივე თქმით, შეუძლებელია, როცა მედიკამენტი აქტიური კვლევის ფაზაშია, ერთპიროვნულად მინისტრმა ან მთავრობამ გადაწყვეტილება მიიღოს.

„როცა სამინისტრო გადაწყვეტილებას იღებს, რომ გარკვეული მედიკამენტი სახელმწიფოს პროგრამას დაამატოს, ამ დროს ჩვენ ძალიან ფრთხილი მიდგომა გვაქვს. აუცილებელია, რომ არსებობდეს შესაბამისი დასკვნები და ექსპერტული რჩევები. შეუძლებელია, როცა მედიკამენტი აქტიური კვლევის ფაზაშია ერთპიროვნულად მინისტრმა ან თუნდაც, მინისტრმა მოადგილეებთან ერთად ან მთავრობამ გადაწყვეტილება მიიღოს. ეს უდიდესი პასუხისმგებლობა აიღოს და ამ პასუხისმგებლობით მედიკემენტების შეძენა დაიწყოს. აქედან გამომდინარე, სამუშაო ჯგუფი იშვიათი დაავადების საბჭოს სახით შეიქმნა. აგრეთვე, პროტოკოლი დაავადების მკურნალობასთან დაკავშირებით შესაქმნელია.

საბოლოო ჯამში, ყველაფერი აქედან გამომდინარეა, ასევე სხვა ქვეყნების გამოცდილებიდან გამომდინარე, ყველაზე საუკეთესო ინტერესების გათვალისწინება იქნება, როგორც აქონდროპლაზიის ნაწილში, ასევე სხვა იშვიათი დაავადებების ნაწილში. იშვიათი დაავადებების ათეულობით მედიკამენტია მეორედან მესამე კვლევის ფაზაში გადასული. აქედან გამომდინარე, ამასთან დაკავშირებით ძალიან ფრთხილი და ყურადღებიანი, პასუხისმგებლიანი მიდგომა გვჭირდება და არ არის მხოლოდ ის, რომ თანხები გამოიყოს, ვინმე წავიდეს წამალი იყიდოს, ჩამოიტანოს და მერე აქ, ამ მედიკამენტის დარიგება დაიწყოს. აქედან გამომდინარე, ყველა ის პროცესი, რასაც ჩვენ მივყვებით ამ საბჭოს ფორმატში იქნება, თუ რეკომენდაციების ნაწილში, ძალიან კარგად და სწორად ვიაზრებთ იმ პასუხისმგებლობას, რაც ჩვენზეა“, - განაცხადა აზარაშვილმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება