„არა რუსულ ფრენებს“ - ამ მოწოდებით რესპუბლიკის მოედნიდან თბილისის საერთაშორისო აეროპორტისკენ მსვლელობა იმართება

„არა რუსულ ფრენებს” - ამ მოწოდებით სამოქალაქო აქტივისტები, მოქალაქეები და ოპოზიციური პარტიების წარმომადგენლები, ამ წუთებში, პირველი რესპუბლიკის მოდენიდან თბილისის საერთაშორისო აეროპორტში მსვლელობით მიემართებიან.

ისინი აეროპორტის ტერიტორიაზე აქციას გამართავენ, რითაც გააპროტესტებენ რუსეთ-საქართველოს შორის ფრენების აღდგენის შემდეგ, თბილისის აეროპორტში პირველი რუსული თვითმფრინავის ჩამოსვლას. აქციის ორგანიზატორია პარტია „დროა“.

როგორც პარტიის ლიდერმა ელენე ხოშტარიამ ჟურნალისტებს განუცხადა, პრობლემა სწორედ იმაშია, რომ რუსეთს ემსხვერპლნენ ისეთი გმირები, როგორებიც არიან: გიგა ოთხოზორია, გიორგი ანწუხელიძე, დევნილები, რომლებმაც ბევრი ტანჯვა გამოიარეს თუნდაც იმ თვითმფრინავებით, რომლებიც ბომბავდა საქართველოს და დღეს ჩამოდის რუსული თვითმფრინავი.

მისი თქმით, პირველ რიგში, ეს მეტყველებს იმაზე, რომ ქვეყანაში მოღალატეობრივი მმართველობაა.

„დღევანდელი აქცია მნიშვნელოვანია „ქართული ოცნებისთვის“, რუსეთისთვის, ჩვენი უკრაინელი და დასავლელი პარტნიორებისთვის იმ თვალსაზრისით, რომ არავის ეგონოს, ფრენების აღდგენა ნორმალური ამბავია. ასევე, დღეს საღამოს პარლამენტთან გაიმართება აქცია. ანუ პროტესტის ძალიან ბევრი სხვადასხვა გამოხატვის ფორმაა ფრენის აღდგენასთან დაკავშირებით, რადგანაც კარგად გვესმის, რომ ეს არის არა უბრალოდ ფრენა, არამედ ჩვენ სუვერენიტეტზე თავდასხმა და „ქართული ოცნების“ ღალატი. ნიშანდობლივია ის, რომ როგორც „აზიმუტში“ კომენტარში თქვეს, პატარა „ტრიუკი“ გავაკეთეთ და ადრე გავფრინდითო, რაც უკვე ნიშნავს იმას, რომ ამ აქციას მნიშვნელობა და გავლენა აქვს და მოუწევთ ანგარიშის გაწევა. ამის მიუხედავად ჩვენ დროულად მივალთ და გავაპროტესტებთ. ყველა დაინახავს, რომ რუსული თვითმფრინავები საქართველოში არის მიუღებელი და ყველა პროტესტით ხვდება”, - განაცხადა ელენე ხოშტარიამ.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ევროპის ოლიმპიური კომიტეტების პრეზიდენტი ევროპის ახალგაზრდული ოლიმპიური ფესტივალის შესახებ - ახალი სპორტული ობიექტები შესანიშნავია და უმაღლესი დონის საერთაშორისო სტანდარტებს შეესაბამება
ბრიტანულ-ქართული აკადემიისა და ბრიტანული საერთაშორისო სკოლის დირექტორი  - „საქართველოს კაპიტალი“ ბრიტანულ-ქართული აკადემიის დირექტორად არაკომპეტენტური და საეჭვო რეპუტაციის პირის დანიშვნას ცდილობს
„ამბასადორი აილენდ ბათუმს“ ზღვაში მოწყობილი 19 ჰექტარი  ტერიტორია საკუთრებაში გადაეცა