ნატო ჩხეიძე - ბეჟაშვილმა ცილი დამწამა, რომ „ჩათში“ ნიშნიანიძის გვარის ჩაწერის ინიციატორი მე ვიყავი - იყო რაღაც ხლართები, ამ ხლართებში ახლა ბეჟაშვილი გაიხლართა, მაგრამ დიდი სურვილი ჰქონდა, მე გავხლართულიყავი

ბეჟაშვილმა ცილი დამწამა, რომ „ჩათში“ ნიშნიანიძის გვარის ჩაწერის ინიციატორი მე ვიყავი - იყო რაღაცა ხლართები, ამ ხლართებში ახლა ბეჟაშვილი გაიხლართა, მაგრამ დიდი სურვილი ჰქონდა, მე გავხლართულიყავი,- ეს განცხადება ოპოზიციონერმა დეპუტატმა ნატო ჩხეიძემ განაცხადა.

ჩხეიძეს სურს პარლამენტში შეიქმნას საგამოძიებო კომისია, რომელიც გაარკვევს, "ბეჟაშვილს რა ხლართები ჰქონდა ოპოზიციის ზურგს უკან".

„ლევან ბეჟაშვილმა ჩაიდინა პარლამენტარის მანდატისა და მეოჯახე კაცისთვის შეუფერებელი საქციელი, როცა ბრალი დამდო და მეტი დამაჯერებლობის მისაცემად შვილები დაიფიცა. მან ცილი დამწამა, რომ "ჩათში" ნიშნიანიძის გვარის ჩაწერის ინიციატორი მე ვიყავი და ამის შემდეგ ჩაწერეს "ჩათში" მისი გვარი. ეს იმ დროს, როცა პარლამენტში არის დეპუტატი, რომელიც ამბობს, რომ ამ გვარის ჩაწერის ინიციატორი იყო თვითონ და მას ჰქონდა კომუნიკაცია და გუშინ ჩემთან პირად საუბარში სინანულიც კი გამოთქვა, რომ მე და როსტომ ჩხეიძე ვერ ჩაგვაყენა საქმის კურსში. მას თავადაც შეუძლია ბრძანოს მისი სათქმელი ამასთან დაკავშირებით.

მინდა ვკითხო ლევან ბეჟაშვილს, რატომ დასჭირდა, რომ სხვა დეპუტატის გვარის ნაცვლად, ჩემი გვარი დაესახელებინა, დანარჩენი რა ცოდვა ჩაიდინა, ოჯახმა მოსთხოვოს პასუხი. ვისურვებდი ამ მეტად მნიშვნელოვანი საქმის გასარკვევად შეიქმნას პარლამენტში საგამოძიებო კომისია, 30 დეპუტატი მაინც ალბათ მოიძებნება, რომ გაირკვეს, ბატონ ბეჟაშვილს რა ხლართები ჰქონდა კენჭისყრის.

ვვარაუდობ და თანდათან უფრო იკვეთება, რომ იყო რაღაცა ხლართები, ამ ხლართებში თვითონ ახლა გაიხლართა, მაგრამ დიდი სურვილი ჰქონდა მე გავხლართულიყავი,"- განაცხადა ჩხეიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024