ნიკოლოზ ვაშაკიძე - მსოფლიო კონფიგურაციის განმსაზღვრელ რუსეთ-უკრაინის ომში საქართველო ერთადერთი ქვეყანაა, რომელმაც მთელი მსოფლიოს თვალწინ მოახდინა აგრესორ ქვეყანასთან ურთიერთობების დათბობა

თანამშრომლობის განვითარება და ურთიერთობების საგრძნობი დათბობა აგრესორ ქვეყანასთან, საქართველოს მძიმე მდგომარეობაში ჩააყენებს რუსეთ-უკრაინის ომის დამთავრების შემდეგ, - ამის შესახებ პარტია „ევროპელი დემოკრატების“ პოლიტიკური საბჭოს თავმჯდომარემ, ნიკოლოზ ვაშაკიძემ განაცხადა.

მისივე თქმით, მსოფლიო კონფიგურაციის განმსაზღვრელ რუსეთ-უკრაინის ომის ფონზე საქართველო არის ის ერთადერთი ქვეყანა, რომელმაც მთელი მსოფლიოს თვალწინ, აგრესიის მსხვერპლ ქვეყანასთან ურთიერთობების მკვეთრი გამწვავება და გაუარესება და აგრესორ ქვეყანასთან ურთიერთობების საგრძნობი დათბობა და თანამშრომლობის განვითარება მოახდინა.

„რუსეთსა და საქართველოს შორის ფრენების აღდგენასთან დაკავშირებით შეიძლება ითქვას შემდეგი: სიმართლეს შეესაბამება ის არგუმენტი, რომ რუსეთთან საჰაერო მიმოსვლა აქვს, მაგალითად, ისეთ ქვეყნებს, როგორებიცაა თურქეთი, სომხეთი, აზერბაიჯანი და ა.შ. და მათ ამისათვის არ კიცხავენ და სანქციებს არ ადებენ. აქ პრობლემა სხვა რამეშია. ყველა ამ ქვეყანას მეტ-ნაკლებად დაბალანსებული პოლიტიკა აქვთ, მკვეთრი ცვლილებების გარეშე. გარდა ამისა, ამ ქვეყნების ტერიტორიები რუსეთს ოკუპირებული არ აქვს.

ყველაზე მნიშვნელოვანია, რომ მსოფლიო კონფიგურაციის განმსაზღვრელ რუსეთ-უკრაინის ომის ფონზე საქართველო არის ის ერთადერთი ქვეყანა, რომელმაც მთელი მსოფლიოს თვალწინ მოახდინა აგრესიის მსხვერპლ ქვეყანასთან ურთიერთობების მკვეთრი გამწვავება და გაუარესება და აგრესორ ქვეყანასთან ურთიერთობების საგრძნობი დათბობა და თანამშრომლობის განვითარება. ეს უკიდურესად არასახარბიელო მდგომარეობაში აყენებს საქართველოს საერთაშორისო არენაზე და კიდევ უფრო მძიმე მდგომარეობაში ჩააგდებს მას ამ ომის დამთავრების შემდეგ.

პოსტ რუსეთ-უკრაინის ომის ვითარებაში ამ მძიმე მდგომარეობიდან საქართველოს გამოყვანის მხოლოდ ერთი საშუალება იარსებებს - ხელისუფლების შეცვლა და მისი პოლიტიკის დაგმობა. შეძლებს თუ არა ამას საქართველოს საზოგადოება, ესაა ახლა ყველაზე მნიშვნელოვანი საკითხი“, - აცხადებს ნიკოლოზ ვაშაკიძე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024