დიდ დიღომში გარდაცვლილი 12 წლის გოგონას დედის განცხადებით, მისი შვილის ექსპერტიზის პროცესში ლიეტუველი ექსპერტები ჩაერთვებიან

დიდ დიღომში გარდაცვლილი 12 წლის გოგონას, ანა იანუშაიტიტეს დედის, ნატო ხუტაშვილის განცხადებით, მისი შვილის ექსპერტიზის პროცესში ლიეტუველი ექსპერტები ჩაერთვებიან. აღნიშნულის შესახებ ხუტაშვილმა „ინტერპრესნიუსს“ საქართველოს გენერალური პროკურატურიდან გამოსვლის შემდეგ განუცხადა.

ანა იანუშაიტიტეს მშობლები და ადვოკატები უწყებაში სიცოცხლის ხელყოფის საქმეზე დაზარალებულთა საჩივრების განმხილველი საბჭოს წევრებთან შეხვედრაზე 4 საათზე მეტი ხნის განმავლობაში იმყოფებოდნენ.

„დაგვპირდნენ, რომ ლიეტუველ ექსპერტებს ჩართავდნენ საქმეში. რაღაც გარემოებების გამო გადავწყვიტეთ, რომ ასე იქნებოდა უკეთესი, ბავშვი ლიეტუვის მოქალაქეა. ასევე დაგვპირდნენ, რომ შეეცდებიან, როგორმე დააჩქარონ ექსპერტიზის პასუხები, რომლის გამოც, ჯერჯერობით გამოძიება გაჩერებულია. ბევრ რამეს დაგვპირდნენ და ველოდებით, რამე შესრულდეს. ჯერჯერობით პასუხები ექსპერტიზის ბიუროდან არ არის. განცდა დამრჩა, რომ შეეცდებიან გააკეთონ და გაითვალისწინონ ის მოთხოვნები, რომლებიც გვქონდა, ვნახოთ“, - აცხადებს ხუტაშვილი.

ის დარწმუნებულია, რომ მისი შვილი მოკლეს.

„ჩემ შვილს ისეთი მრავალფეროვანი დაზიანებები აქვს, რომელსაც ადამიანი თავის თავს ვერაფრით მიაყენებს. ეს დაზიანებები, დალურჯებები როგორც წინა მხრიდან, ასევე უკანა მხრიდან იყო, რასაც ადამიანი ფიზიკურად ვერ მიიყენებდა. ყელი აქვს დალურჯებული, ბავშვი არის მოგუდული“, - განაცხადა ხუტაშვილმა.

ცნობისთვის, დიდ დიღომში 12 წლის მოზარდი გარდაცვლილი მიმდინარე წლის 16 მარტს იპოვეს. გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!