ნიკა მელია - ჩვენ უნდა ვებრძოლოთ არა შედეგს, არამედ მიზეზს - სანამ რუსული ყაიდის ხელისუფლება ჰყავს ქვეყანას, პრობლემები, რომლებიც უკავშირდება სუვერენიტეტს და ეროვნულ ინტერესებს, პირიქით, გამრავლდება

ღრმად მწამს, რომ ჩვენ უნდა ვებრძოლოთ არა შედეგს, არამედ მიზეზს და სანამ რუსული ყაიდის ხელისუფლება ჰყავს ქვეყანას, პრობლემები, რომლებიც უკავშირდება სუვერენიტეტს და ეროვნულ ინტერესებს, პირიქით, გამრავლდება - ვგულისხმობ, სიმპტომებთან ბრძოლის ნაცვლად, სენთან და დაავადებასთან ბრძოლას, - ამის შესახებ „ნაციონალური მოძრაობის“ ყოფილმა თავმჯდომარემ ნიკა მელიამ რუსთაველის გამზირზე მიმდინარე საპროტესტო აქციაზე, ჟურნალისტებთან განაცხადა.

მისი თქმით, „ქართული ოცნების“ ხელისუფლება უნდა შეიცვალოს დასავლური ღირებულებების მქონე დემოკრატიული ძალებით და უამრავი პრობლემა თავისთავად მოგვარდება.

„ამ ქვეყანას ერთი ფუნდამენტური პრობლემა აქვს. რუსეთი არის ოკუპანტი სახელმწიფო. სამწუხაროდ, საქართველოს ჰყავს ღიად პრორუსული ხელისუფლება და აქედან გამომდინარეობს შედეგობრივად ყველაფერი რუსული - რუსული თვითმფრინავი, რუსული კანონი, რუსული სტილის მმართველობა და ა.შ. ამიტომ მე ღრმად მწამს, რომ ჩვენ უნდა ვებრძოლოთ არა შედეგს, არამედ მიზეზს და სანამ რუსული ყაიდის ხელისუფლება ჰყავს ქვეყანას, პრობლემები, რომლებიც უკავშირდება სუვერენიტეტს, ეროვნულ ინტერესებს, პირიქით, გამრავლდება - ვგულისხმობ, სიმპტომებთან ბრძოლის ნაცვლად სენთან და დაავადებასთან ბრძოლას.

„ქართული ოცნების“ ხელისუფლება უნდა შეიცვალოს დასავლური ღირებულებების მქონე დემოკრატიული ძალებით და უამრავი პრობლემა თავისთავად მოგვარდება. დღეს, რომც გამოვიდეს ღარიბაშვილი და თქვას, რომ თუნდაც დროებით შეწყდება ავიამიმოსვლები, ეს არ ნიშნავს, რომ ერთ თვეში ანალოგიური ან უფრო მძიმე პრობლემების წინაშე არ დავდგებით. გენერალური ცვლილებები არის ერთადერთი და სწორი გამოსავალი, რომელიც მიმაჩნია, რომ ძალიან მალე გარდაუვალი იქნება“, - განაცხადა მელიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს