გიორგი ბარამიძე - უკრაინის სისხლზე და საქართველოს ევროინტეგრაციის ხარჯზე უნდათ, რომ უფრო გამდიდრდნენ

უკრაინის სისხლზე და საქართველოს ევროინტეგრაციის ხარჯზე უნდათ, რომ უფრო გამდიდრდნენ, - ამის შესახებ „ნაციონალური მოძრაობის“ ერთ-ერთმა ლიდერმა, გიორგი ბარამიძემ აქციაზე განაცხადა, რომელიც რუსთაველის გამზირზე საქართველო-რუსეთს შორის პირდაპირი ფრენების აღდგენის საწინააღმდეგოდ მიმდინარეობს.

ბარამიძის შეფასებით, საქართველო-რუსეთს შორის ფრენების აღდგენა ქართველი ხალხის შეურაცხყოფაა.

„ეს არის ქართველი ხალხის შეურაცხყოფა ამ მთავრობის მიერ. მათი არგუმენტია, რომ ეს ფრენები აღდგეს იმ მომენტში, როცა ერთი მხრივ საქართველოს ევროინტეგრაციის საკითხი წყდება, უკრაინაში სისხლისმღვრელი ომი მიდის და ჩვენ მოძმე და სტრატეგიული პარტნიორ ქვეყანას რუსეთი ანადგურებს. აქ თურმე უფრო მეტ მოგებას მივიღებთ, ფულზე და მატერიალურ გამორჩენაზეა საუბარი. უკრაინის სისხლზე და საქართველოს ევროინტეგრაციის ხარჯზე უნდათ, რომ უფრო გამდიდრდნენ“, - განაცხადა გიორგი ბარამიძემ.

მისი თქმით, საქართველოსა და რუსეთის დაახლოების გასაპროტესტებლად აქციები აუცილებლად უნდა გაგრძელდეს.

„აქციები აუცილებლად უნდა გაგრძელდეს. რაც უფრო მეტი პროტესტი იქნება ამ პუტინისტური გავრილოვების მოღალატე რეჟიმის წინააღმდეგ, მით უფრო დაჩქარდება საზოგადოების კონსოლიდაცია და მიუხედავად მათ ხელში არსებული ბერკეტისა, პუტინის მხარდაჭერისა, კრიმინალური სამყაროს მხარდაჭერისა, ფულებისა, მანიპულაციისა, სასამართლოს და პროკურატურის გამოყენებისა, მით უფრო რეალური გახდება მათი მშვიდობიანი პოლიტიკური დასასრული“, - განაცხადა გია ბარამიძემ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო