რუსთაველის გამზირზე, პარლამენტთან შეკრებილი აქციის მონაწილეები მსვლელობით გმირთა მოედნისკენ მიემართებიან.

როგორც აქციის ერთ-ერთმა მონაწილემ აღნიშნა, ისინი ფრენების გაუქმებასა და სასტუმრო „ყვარლის ტბასთან“ მიმდინარე აქციისას დაკავებულების გათავისუფლებას ითხოვენ.

„კიდევ უფრო მეტი დისკომფორტი უნდა შევუქმნათ ხელისუფლებას. ჩვენი გმირების მემორიალთან დასრულდება დღეს აქცია. ყვარლიდან ვინც მოდის, გზაში არიან და შეუძლიათ, გმირთა მემორიალთან შემოგვიერთდნენ“, - განაცხადა აქციის მონაწილემ.