ადვოკატი - დაკავების ვადის გახანგრძლივების შემთხვევაში, ელენე ხოშტარია სასამართლო პროცესზე მონაწილეობის მიღებას არ აპირებს

ელენე არ აპირებს სასამართლო პროცესზე მონაწილეობის მიღებას, - ამის შესახებ „დროას“ ლიდერის ელენე ხოშტარიას ადვოკატმა თეონა კილაძემ ჟურნალისტებთან განაცხადა.

ადვოკატის განმარტებით, ადმინისტრაციული დაკავების ვადის გასვლის შემდეგ შინაგან საქმეთა სამინისტრომ უნდა მიიღოს გადაწყვეტილება გაათავისუფლებს მას, თუ კიდევ 24-საათით გაუხანგრძლივებს დაკავების ვადას.

„ელენემ უარი განაცხადა, რომ პოლიციის თანამშრომლებს გაჰყოლოდა თელავში, სადაც უნდა იყოს წესით სასამართლო პროცესი, რადგან თელავში მოხდა დაკავება. ამ შემთხვევაში ან უნდა მოხდეს 24-საათიანი ვადის გასვლის შემდეგ მისი გათავისუფლება ავჭალის იზოლატორიდან, ან პოლიციამ უნდა მიიღოს გადაწყვეტილება, რომ გააგრძელოს კიდევ 24 საათით ადმინისტრაციული დაკავების ვადა. შესაბამისად, რა გადაწყვეტილებას მიიღებს შინაგან საქმეთა სამინისტრო ჩვენთვის არ არის ცნობილი, თუმცა გაგრძელების შემთხვევაშიც ელენე არ აპირებს სასამართლო პროცესზე მონაწილეობის მიღებას.

რატომ არ ისურვა სახალხო დამცველის წარმომადგენელთან შეხვედრა გათავისუფლების შემდეგ გააკეთებს ამ საკითხზე განმარტებას“, - განაცხადა თეონა კილაძემ.

ადვოკატის მტკიცებით, გავრცელებული ინფორმაცია, რომ ელენე ხოშტარიამ სამართალდამცველს ფიზიკური შეურაცხყოფა მიაყენა არ შეესაბამება სიმართლეს და მას მსგავსი ინფორმაცია არ აქვს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს