„ნაციონალური მოძრაობა“ წალენჯიხის და მარნეულის რაიონული ორგანიზაციების თავმჯდომარის არჩევნებს ატარებს
რაიონული ორგანიზაციის შიდაპარტიული არჩევნები დღეს ტარდება წალენჯიხის და მარნეულის რაიონებში - წალენჯიხის რაიონში არნახული აქტივობა გვაქვს,- ამის შესახებ „ნაციონალური მოძრაობის“ წევრმა, ლანა ღვინჯილიამ განაცხადა.
მისივე თქმით, ძირითადი პრობლემა არის ის, რომ ბევრი ამომრჩეველია და რიგში უწევთ დგომა.
„დღეს მოგეხსენებათ, ტარდება რაიონული ორგანიზაციის შიდაპარტიული არჩევნები წალენჯიხის და მარნეულის რაიონებში. წალენჯიხის რაიონში არნახული აქტივობა გვაქვს, ყველაზე მეტი ამომრჩეველი იყო რეგისტრირებული ამ რაიონში და ეს აქტივობაზეც ეტყობა. ძირითადი პრობლემა არის ის, რომ ბევრი ამომრჩეველია და რიგში უწევთ დგომა. არჩევნების ლოგიკა და მენეჯმენტი ძირითადად ემთხვევა ცესკოს მიერ გამოყენებულ რეგულაციას“, - განაცხადა ლანა ღვინჯილიამ, რომლის კომენტარსაც პარტიის პრესსამსახური ავრცელებს.
