გია ვოლსკი „ნაციონალურ მოძრაობაზე“ - მათ განზრახ შეუწყვეს ხელი რუსეთის ფედერაციის მიერ ოკუპაციის მოხდენას საქართველოში - ეს არის პროვოკაციების მაორგანიზებელი ძალა, რომელიც რევოლუციურ კომიტეტად ჩამოყალიბდა

„ნაცმოძრაობის" ინიციატივა, რომელმაც ყველაფერი გააკეთა, რომ რუსეთს აქ უპირატესობა ჰქონოდა, არავითარ შემთხვევაში არ უნდა იქნეს დაშვებული - ეს ძალა რევოლუციურ კომიტეტად ჩამოყალიბდა , - ასე ეხმიანება პარლამენტის პირველი ვიცე-სპიკერი გია ვოლსკი "ნაციონალური მოძრაობის" განცხადებას, რომ პარლამენტმა ერთი წლის წინ ინიცირებული კანონპროექტი უნდა განიხილოს, რომლითაც პირებს, რომლებიც ევროკავშირის ან ნატო-ს წევრი ქვეყნების მიერ იქნა სანქცირებული საქართველოსა და უკრაინაში განხორციელებული სამხედრო აგრესიისა და ოკუპაციის გამო, ეკრძალებათ საქართველოში შემოსვლა და ეკონომიკური აქტივობის განხორციელება.

ვოლსკის თქმით, მათ თავის დროზე "ამერიკის და ევროკავშირის მიერ შედგენილო საგზაო რუქა განზრახ გადახიეს, განზრახ მოახდინეს მისი ანულირება და განზრახ შეუწყვეს ხელი რუსეთის ფედერაციის მიერ ოკუპაციის მოხდენას საქართველოში".

"ერთხელ ვთქვით და ვფიქრობ, საკმარისად მკაფიოდ გამოვხატეთ პოზიცია იმასთან დაკავშირებით, რასაც ჰქვია "ნაცმოძრაობის" ინიციატივები, განსაკუთრებით იმ საკითხებზე, რაც არის სტრატეგიული მიმართულება. ვფიქრობ, ამ თემაზე გაგრძელდება მსჯელობა, რომ ნაცმოძრაობაა სწორედ ის პოლიტიკური ძალა, რომელმაც ჩააბარა ქვეყნის 20 პროცენტი და შექმნა ის ვითარება, როცა რუსეთს სამხედრო სტრატეგიული უპირატესობა აქვს საქართველოს ტერიტორიაზე, რადგან ოკუპაციას ახდენს 20 პროცენტის და სტრატეგიული ობიექტები ხელში აქვს აღებული, რომელიც "ნაცმოძრაობამ" ჩააბარა. ამიტომ ნებისმიერი მათი ინიციატივა სიყალბედ უნდა იქნეს განხილული. საქართველოში არ უნდა იქნას დაშვებული არანაირი სანქცირებული კომპანია, მათი აქტივობები და ის ადამიანები, ვინც დაარღვია ოკუპაციის შესახებ კანონი. თუ ამას რაიმეს დამატება, უკეთ ჩამოყალიბება სჭირდება, რასაკვირველია ვიმსჯელებთ და მივიღებთ შესაბამის გადაწყვეტილებებს, მაგრამ ინიციატივა, რომელიც მოდის "ნაცმოძრაობიდან," რომელმაც ყველაფერი გააკეთა, რომ რუსეთს აქ უპირატესობა ჰქონოდა, არავითარ შემთხვევაში არ უნდა იქნეს დაშვებული, ეს იქნება წამგებიანი ქვეყნისთვის, საზოგადოებისთვის მიუღებელი. ეს არის პროვოკაციების მაორგანიზებელი ძალა, ძალა, რომელიც ჩამოყალიბდა რევოლუციურ კომიტეტად და რომლის ერთადერთი მიზანია დესტაბილიზაცია, რომ საქართველო კვლავ მძიმე მდგომარეობაში აღმოჩნდეს", - განაცხადა ვოლსკიმ.

ინფორმაციისთვის, "ნაციონალური მოძრაობა" ითხოვს პარლამენტმა დაიწყოს ერთი წლის წინ ინიციირებული პროექტის განხილვა რომლითაც პირებს, რომლებიც ევროკავშირის ან ნატო-ს წევრი ქვეყნების მიერ იქნა სანქცირებული საქართველოსა და უკრაინაში განხორციელებული სამხედრო აგრესიისა და ოკუპაციის გამო და რომლებიც რაიმე ფორმით მონაწილეობდნენ, ან დღემდე მონაწილეობენ საქართველოსა და უკრაინის ტერიტორიების ოკუპაციაში და სამხედრო აგრესიაში, ეკრძალებათ საქართველოში შემოსვლა და ეკონომიკური აქტივობების განხორციელება. კერძოდ საუბარია, "ოკუპირებული ტერიტორიების შესახებ" და "უცხოელთა და მოქალაქეობის არმქონე პირთა სამართლებრივი მდგომარეობის შესახებ" კანონში ცვლილებებზე, რომლის ინიციატორები არიან: ლევან ბეჟაშვილი, ხატია დეკანოიძე, ანა წითლიძე, აკაკი მინაშვილი.

ცვლილებების მიხედვით, სავიზო ვალდებულებისგან აღარ თავისუფლდებიან იმ ქვეყნის მოქალაქეები, რომლებსაც საქართველოს სახელმწიფოებრივი დამოუკიდებლობის აღდგენის შემდგომ დარღვეული აქვთ საქართველოს ტერიტორიული მთლიანობა და ვერ ისარგებლებენ 1 წლიანი საგამონაკლისო ვადით. ამ ქვეყნის მოქალაქეებს უფლება ექნებათ საქართველოში შემოვიდნენ და იმყოფებოდნენ 90 დღის ვადით ნებისმიერ 180 დღიან პერიოდში. ეს შეზღუდვა არ შეეხება იმ პირებს, რომლებსაც საქართველოს მოქალაქეობა ჰქონდათ, აქვთ ან შეუწყდათ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი