გარემოს დაცვისა და სოფლის მეურნეობის მინისტრის მოადგილემ, თენგიზ ნასარიძემ სახელმწიფოს ხელშეწყობით შექმნილი ქარხნის ინფრასტრუქტურა უნგრეთის სოფლის მეურნეობის მინისტრს, ისტვან ნაგის და უნგრული დელეგაციის წევრებს გააცნო.

ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, მცხეთის მუნიციპალიტეტში მოქმედი კომპანია „აუგუსტის ხილის ქარხანა“ შეღავათიანი აგროკრედიტის პროექტის აგროლოზინგის კომპონენტით სარგებლობს. აგროლიზინგის თანხა 250,000 ლარს აჭარბებს. ჯამურად, საწარმოში, 3 მლნ ლარის ინვესტიციაა განხორციელებული.

„ქარხანა ხილის ჯემებს და წვენებს აწარმოებს. პროდუქციის რეალიზაცია ადგილობრივ ბაზარზე, ქსელურ მარკეტებში ხდება, ასევე, დიდ ბრიტანეთში, კანადაში, ისრაელსა და ყატარში ექსპორტზე გადის.

შექმნილია ბულანჟერიის ქსელი „აუგუსტი“, რომელიც აღნიშნულ საწარმოში დამზადებული პრემიუმ ხარისხის პროდუქციით მარაგდება,“ - აღნიშნულია გავრცელებულ ინფორმაციაში.