„ჯორჯიან უოთერ ენდ ფაუერი“ სპეციალურ განცხადებას ავრცელებს

კომპანია „ჯორჯიან უოთერ ენდ ფაუერმა” წერეთლის გამზირზე, წყალმომარაგების 1 კმ სიგრძის ახლად მოწყობილი ქსელის გადაერთებითი სამუშაოები დაასრულა. ამის შესახებ ინფორმაციას „ჯორჯიან უოთერ ენდ ფაუერი” ავრცელებს.

მათივე ცნობით, წერეთლის გამზირის რეაბილიტაციის ფარგლებში ახალ მაგისტრალურ ქსელზე დამონტაჟდა ევროსტანდარტის 17 ერთეული ჩამკეტ-მარეგულირებელი ურდული და 2 სახაძრო ჰიდრანტი მოეწყო.

„ამ ეტაპზე მიმდინარეობს ახალი ქსელის რეცხვითი სამუშაოები, რის შემდეგაც წყალმომარაგება ეტაპობრივად 18:00 საათამდე აღდგება.

აღნიშნულთან დაკავშირებით წყალმომარაგება შეზღუდული აქვს:

წერეთლის გამზირის, თამარ მეფის გამზირის და აღმაშენებლის გამზირის ნაწილს, წინამძღვრიშვილის ქუჩის ნაწილს; ნინოშვილის, სურამის, კვინიტაძის, ლებანიძის, აბასთუმნის, ცაბაძის, ფიფიების, გორის, ვორონინის, იამანიძის, მეტრეველის, ბათუმის, ა.ქურდიანის, ყიფიანის, ხვამლის, პასტერის, ვანის, გოგოლაურის, აგლაძის, ხოშარაულის, ევდოშვილის, კედიას, თევდორე მღვდლის, სოხუმის, ზუგდიდის, ბაგრატიონის, ქუთაისის, გაფრინდაულის, გვეტაძის, ბაქრაძის, სტანისლავსკის, სამტრედიის, წყალტუბოს, ცემის, ფოთის, მირცხულავს, კოსმონავტების, კერესელიძის და მაიაკოვსკის ქუჩებს.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge“,- აღნიშნულია ინფორმაციაში.