„ნაციონალური მოძრაობა“ სემეკის რიგგარეშე სხდომის მოწვევას და კომუნალურ გადასახადებზე ტარიფების შემცირებას მოითხოვს

„ერთიანი ნაციონალური მოძრაობის“ პოლიტსაბჭოს წევრმა, ლაშა ფარულავამ და „ერთიანი ნაციონალური მოძრაობის“ ანტიკორუფციული მიმართულების მდივანმა, ვასო ურუშაძემ ენერგეტიკისა და წყალმომარაგების მარეგულირებელ კომისიაში განცხადება შეიტანეს.

ისინი სემეკის რიგგარეშე სხდომის მოწვევას და კომუნალური მომსახურების გადასახადებზე ტარიფების შემცირებას მოითხოვენ.

„ერთიანი ნაციონალური მოძრაობა” სემეკის რიგგარეშე სხდომის მოწვევას და კომუნალურ გადასახადებზე ტარიფების შემცირებას მოითხოვს, ვინაიდან 2021 წელს, კომისიამ ეროვნული ვალუტის გაუფასურების მოტივით: დენის, წყლის, გაზის და ნაგვის გატანის საერთო ტარიფი ჯამში 43.5 პროცენტით გაზარდა. პანდემიის პერიოდში მომატებული ტარიფი მთავრობამ დაასუბსიდირა, რის გამოც მოსახლეობამ მომატებული ტარიფი მყისიერად ვერ იგრძნო, თუმცა 2022 წლის დასაწყისიდან სუბსიდირების სახელმწიფო პროგრამა დასრულდა, ხოლო მომატებული ტარიფი მოსახლეობას მძიმე ტვირთად დააწვა. 2023 წლის დასაწყისიდან - დღემდე, ეროვნული ვალუტა მნიშვნელოვნად გამყარდა, “ქართული ოცნების” მთავრობა კი კომუნალურ გადასახადებს არ ამცირებს. ენერგეტიკისა და წყალმომარაგების ეროვნული კომისიის თავმჯდომარე, დავით ნარმანია უტიფრად აცხადებს, რომ კომპანიებმა ორი წლის წინ იზარალეს და ამიტომ კომუნალურ გადასახადებზე ტარიფს ვერ შეამცირებს. ამასობაში სემეკის კომისიის წევრებს ხელფასს ჩვენი გაჭირვებული მოსახლეობა უხდის, რომელიც ყოველწლიურად მილიონი ლარი გვიჯდება, ხოლო ისინი მოქალაქეების ინტერესების ნაცვლად იძახიან კომპანიებმა მოიგონ ფული ჯობიაო, რაც წარმოუდგენელი დონის უტიფრობა და ცინიზმია,’’ - განაცხადა ლაშა ფარულავამ.

ვასო ურუშაძის თქმით, დავით ნარმანიას განცხადებით დასტურდება, რომ ის დღეს ემსახურება არა საქართველოს მოსახლეობას, არამედ იმ კომპანიების, რომლებიც “ბიძინა ივანიშვილის ოლიგარქიულ კლანს წარმოადგენენ.”

,,ჩვენ სემეკს წერილობით მივმართავთ, რომ საჩქაროდ შეიკრიბოს კომისია და განიხილოს კომუნალური ტარიფების შემცირება. კომუნალური გადასახადების ტარიფი სულ მცირე უნდა დაუბრუნდეს 2021 წლამდე არსებულ ნიშნულს’’, - განაცხადა ვასო ურუშაძემ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!