„სტრატეგია აღმაშენებელი“ „ნიკა გვარამიას თავისუფლების მოძრაობის“ მიერ დაანონსებულ აქციას უერთდება, რომელიც 27 მაისს, პრეზიდენტის ადმინისტრაციასთან გაიმართება
„სტრატეგია აღმაშენებელი“ „ნიკა გვარამიას თავისუფლების მოძრაობის“ მიერ დაანონსებულ აქციას უერთდება, რომელიც 27 მაისს, 18:00 საათზე, პრეზიდენტის ადმინისტრაციასთან გაიმართება.
ამის შესახებ ინფორმაციას „სტრატეგია აღმაშენებლის“ პრესსამსახური ავრცელებს.
„ერთ წელზე მეტი გავიდა, რაც ივანიშვილის რეჟიმმა უკანონოდ ნიკა გვარამია საპატიმროში გამოკეტა. მოვითხოვთ, რეჟიმის მიერ უკანონოდ დაკავებული პატიმრის დაუყოვნებლივ გათავისუფლებას. მიგვაჩნია, რომ ნიკა გვარამია არის პოლიტიკური პატიმარი და მის მიმართ პრეზიდენტმა უნდა აღადგინოს სამართლიანობა.
თავისუფლება ნიკას! თავისუფლება საქართველოს! “ - ნათქვამია „სტრატეგია აღმაშენებლის“ მიერ გავრცელებულ განცხადებაში.
