მინდა ვთხოვო ჩვენს საზოგადოებას, რომ ამ დღის გარშემო უნდა ვიყოთ განსაკუთრებით ერთიანი, - ამის შესახებ თავდაცვის მინისტრმა ჯუანშერ ბურჭულაძემ ჟურნალისტებს 26 მაისისადმი მიძღვნილ ღონისძიების დაწყებამდე განუცხადა.

მან ახალწვეულებსა და სრულიად საქართველოს დამოუკიდებლობის დღე მიულოცა.

„მინდა მოგილოცოთ დღევანდელი დღე, ეს არის სიმბოლო ჩვენი თავისუფლების. ეს დღე არის ჩვენი ძალიან ძვირფასი დღე, როგორც აწმყოში, ასევე მომავალში. რა თქმა უნდა, მე მინდა მივულოცო ჩვენი გმირების ოჯახებს, ახალწვეულებს და სრულიად საქართველოს საზოგადოებას. მინდა ვთხოვო ჩვენს საზოგადოებას, რომ ამ დღის გარშემო უნდა ვიყოთ განსაკუთრებით ერთიანი. ორი რამ, რაც მინდა, რომ ახალ თაობას შთავაგონოთ ეს არის - პირველი - ყველაზე მნიშვნელოვანი, რომ შევინარჩუნოთ იდენტობა და მეორე - არანაკლებ მნიშვნელოვანი, რომ ჩვენ უნდა ვიცოდეთ ჩვენი მთავარი გამოწვევა - ჩვენი ქვეყნის გამთლიანება“, - განაცხადა ჯუანშერ ბურჭულაძემ.