გიორგი ამილახვარი - ჩვენი ვალია, გავუფრთხილდეთ წინაპრების უძვირფასეს მონაპოვარს და ერთად ვიზრუნოთ თითოეული ადამიანის უფლებების დაცვაზე

ჩვენი ვალია, გავუფრთხილდეთ წინაპრების ამ უძვირფასეს მონაპოვარს და ერთად ვიზრუნოთ თითოეული ადამიანის უფლებების დაცვაზე, - ამის შესახებ საქართველოს განათლებისა და მეცნიერების მინისტრმა, გიორგი ამილახვარმა განაცხადა და ამით ქართველ საზოგადოებას დამოუკიდებლობის დღე მიულოცა.

როგორც გიორგი ამილახვარმა აღნიშნა, სახელმწიფოებრივი დამოუკიდებლობის აქტის მიღებით, ევროპული ტიპის ქართული სახელმწიფოებრიობა და დემოკრატიული სისტემა შეიქმნა.

„სრულიად საქართველოს ვულოცავ ჩვენი ქვეყნის ეროვნულ დღესასწაულს, დამოუკიდებლობის დღეს. საამაყოა, რომ ზუსტად 105 წლის წინ, 1918 წლის 26 მაისს, საქართველოს ეროვნული საბჭოს მიერ თბილისში, სახელმწიფოებრივი დამოუკიდებლობის აქტის მიღებით, ევროპული ტიპის ქართული სახელმწიფოებრიობა და დემოკრატიული სისტემა შეიქმნა. 26 მაისი საქართველოს დამოუკიდებლობისა და თავისუფლებისთვის ბრძოლის სიმბოლოს წარმოადგენს. ჩვენი ვალია, გავუფრთხილდეთ წინაპრების ამ უძვირფასეს მონაპოვარს და ერთად ვიზრუნოთ თითოეული ადამიანის უფლებების დაცვაზე, დემოკრატიული სახელმწიფო ინსტიტუტების მშენებლობასა და საზოგადოებაში თანასწორობის დამკვიდრებაზე. მთელ საქართველოს და განსაკუთრებით ჩვენს მოსწავლეებს, მათ მშობლებს, მასწავლებლებს, სკოლების დირექტორებს, სრულიად სასკოლო საზოგადოებას, სტუდენტებს, პროფესორ-მასწავლებლებსა და მეცნიერებს კიდევ ერთხელ გილოცავთ ქვეყნის მთავარ დღესასწაულს, საქართველოს დამოუკიდებლობის დღეს, გისურვებთ მშვიდობასა და კეთილდღეობას“, - აღნიშნა გიორგი ამილახვარმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს