„ერთიანმა ნაციონალურმა მოძრაობამ“ საქართველოს ოთხ დიდ ქალაქში - ბათუმში, ქუთაისში, ზუგდიდსა და გორში დამოუკიდებლობის დღესთან დაკავშირებით და „ხელისუფლების მიერ ევროკავშირის სიმბოლიკის გაქრობის გამო“, საქართველოს და ევროკავშირის დროშები გადმოფინეს.
„ნაციონალური მოძრაობის“ ინფორმაციით, აქციის მონაწილეებმა ასევე ხაზი გაუსვეს მიხეილ სააკაშვილის გათავისუფლების მნიშვნელობას და აღნიშნეს, რომ „სწორედ ის იყო პირველი, ვინც ევროკავშირის დროშა აღმართა პარლამენტის წინ და მან დააყენა საქართველოს დასავლურ რელსებზე“.
მათივე თქმით, „ქართული ოცნება“ სპეციალურად უკეთებს საბოტაჟს ევროკავშირის კანდიდატის სტატუსს, რასაც ქართველი ხალხი არ დაუშვებს და არ მისცემს მათ უფლებას, რომ ქვეყანას მოუსპონ ევროპული მომავალი.