რელიგიის საკითხთა სააგენტო სომეხ მოქალაქეებსა და სომეხთა მართლმადიდებელ ეკლესიის წმინდა გაიანეს ხსენების დღეს ულოცავს
სომხური ეკლესია წმინდა გაიანეს იხსენიებს. აღნიშნულთან დაკავშირებით ინფორმაციას რელიგიის საკითხთა სახელმწიფო სააგენტო ავრცელებს.
სააგენტო საქართველოს სომეხ მოქალაქეებს, სომეხთა მართლმადიდებელ ეკლესიის საქართველოს ეპარქიას და მის მრევლს მოწამეთა ხსენების დღეს ულოცავს.
„სომეხთა სამოციქულო მართლმადიდებელი ეკლესია დღეს იხსენიებს წმინდა გაიანესა და „ამხანაგთა მისთა“, რომელნიც ქრისტიანობისთვის ეწამნენ. წმინდა გაიანე, წმინდა რიფსიმესთან ერთად, სომხეთის პირველ მოწამეებად ითვლებიან.
რელიგიის საკითხთა სახელმწიფო სააგენტო ულოცავს საქართველოს სომეხ მოქალაქეებს, სომეხთა მართლმადიდებელ ეკლესიის საქართველოს ეპარქიას და მის მრევლს მოწამეთა ხსენების დღეს”, - ნათქვამია ინფორმაციაში.
