„საერთაშორისო გამჭვირვალობა-საქართველოს“ ინფორმაციით, სსიპ დასაქმების ხელშეწყობის სახელმწიფო სააგენტოს დირექტორმა, ნინო ველთაურმა 2022 წელს შევსებულ დეკლარაციაში თანამდებობიდან მიღებული შემოსავალი და მისი და მისი მეუღლის სახელზე არსებული უძრავი ქონება არ მიუთითა.

ორგანიზაციის ცნობით, ველთაურსა და მის მეუღლეს, თამაზ გვანცელაძეს ეკუთვნით 7 ერთეული დაუდეკლარირებელი უძრავი ქონება:

„ბინა თბილისში, ჭოპორტის ქუჩაზე – 78.40 კვ.მ

ბინა თბილისში, აგლაძის ქუჩაზე – 96.13 კვ.მ.

სხვენი თბილისში, აგლაძის ქუჩაზე – 84 კვ.მ.

ავტოფარეხი თბილისში, აგლაძის ქუჩაზე – 25.46 კვ.მ.

ბინა ქობულეთში, დაბა ჩაქვში – 85.53 კვ.მ.

ნახევარსარდაფი ქობულეთში, დაბა ჩაქვში – 21.16 კვ.მ.

მიწის ნაკვეთი ჭიათურაში, სოფელ ითხვისში – 1,590 კვ.მ.

ჯანდაცვის სამინისტროში შემავალი დასაქმების ხელშეწყობის სახელმწიფო სააგენტო 2020 წლის იანვარში შეიქმნა და ველთაურიც სწორედ ამ დროიდან არის მისი დირექტორი.

“საერთაშორისო გამჭვირვალობა - საქართველო” მიმართავს საჯარო სამსახურის ბიუროს, შეისწავლოს ველთაურის დეკლარაციაში გამოვლენილი დარღვევები და მოახდინოს შესაბამისი რეაგირება“, - ნათქვამია ორგანიზაციის მიერ გავრცელებულ ინფორმაციაში.