„კემბრიჯის სკოლა“, რომელიც დღეს გაიხსნა წალენჯიხაში, განსაკუთრებული მნიშვნელობისაა, ძალიან დიდი იმედი გვაქვს, რომ ოკუპირებული რეგიონიდანაც ჩამოვლენ ბავშვები და აქ მიიღებენ განათლებას , - ამის შესახებ საქართველოს მესამე პრეზიდენტის დედამ, გიული ალასანიამ განაცხადა.
მისივე თქმით, კამპუსი 504 ბავშვზე შენდება.
“ძალიან მიხარია, რომ ჩვენ, „საქართველოს უნივერსიტეტი“, ამ პროექტში ვმონაწილეობთ. აქ არის „ლელო“ და აქ ვართ ჩვენ. ძალიან დიდი ჩანაფიქრი გვაქვს. 504 ბავშვზე შენდება კამპუსი, ჩვენი სკოლა არის „კემბრიჯის სკოლა“, რომელიც არის თბილისში, ასევე გვაქვს ბათუმშიც და ახლა აქ, წალენჯიხაში, ჩაეყარა საფუძველი ამ სკოლას.
ამ სკოლას განსაკუთრებული მნიშვნელობა აქვს, რადგან ჩვენ ძალიან დიდი იმედი გვაქვს, რომ ოკუპირებული რეგიონიდანაც ჩამოვლენ ბავშვები და აქ მიიღებენ განათლებას“, - განაცხადა მესამე პრეზიდენტის დედამ, გიული ალასანიამ.
როგორც წალენჯიხის მერმა, გია ხარჩილავამ განაცხადა, საქმის გაკეთებამ გაიმარჯვა.
„მუდამ გვიწევს პესიმისტებსა და ოპტიმისტებს შორის ვნებათაღელვის გადახედვა. ეს ერთ-ერთი კარგი შემთხვევაა, როცა ოპტიმისტებმა, ანუ საქმის გაკეთებამ გაიმარჯვა, მხედველობაში მაქვს უნიკალური პროექტი, კერძოდ ის, რომ წალენჯიხაში „კემბრიჯის“ ფილიალი გაიხსნება“, - განაცხადა წალენჯიხის მერმა, გია ხარჩილავამ.
ინფორმაციას „ერთიანი ნაციონალური მოძრაობის“ პრესსამსახური ავრცელებს.