გეგმური სარეაბილიტაციო სამუშაოების გამო, 8 ივნისს, „ენერგო-პრო ჯორჯიას“ ქსელში არსებული აბონენტების ნაწილს ელექტროენერგიის მიწოდება შეეზღუდება.

კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო, 8 ივნისს, 11:00 საათიდან 18:00 საათამდე, ელექტროენერგიის მიწოდება შეეზღუდებათ აბონენტებს ზაჰესში პლატინის ქუჩაზე და მიმდებარე ტერიტორიაზე, მუხათგვერდში და მამკოდაში.

11:00 საათიდან 17:00 საათამდე ძაბვა შეუწყდებათ აბონენტებს მცხეთის მუნიციპალიტეტის სოფლებში: მისაქციელი, ნატახტარი, მუხრანი, წილკანი, საგურამო.

11:00 საათიდან 18:00 საათამდე დენი გაითიშება დუშეთის რაიონის სოფლებში: ლუთხუბი, ზანდუკი, კიტოხი, გამსი, მაქართა, ჩოხი, ბახანი, დიხჩო, ათნოხი, ჩობალაურები და მიმდებარე სოფლებში, ხოლო 12:30 საათიდან 17:00 საათამდე, დაბა ფასანაურში, სოფლებში: ცხვედიეთი, წითლიანი, ხევშა, წიფორი, ჭიკაანი, ქოჩორაანი, ბიბილაანი, ქავთარაანი, კორუღი, ბანცური.

12:00 საათიდან 18:00 საათამდე ენერგომომარაგება დროებით შეეზღუდებათ მომხმარებლებს სოფელ დიღომში: დიდგორის, აღმაშენებლის, ვაშაძის, კვირაცხოველის, გიორგი ბრწყინვალეს, ვაჟა ფშაველას, გაბრიელ ათონელის და მიმდებარე ქუჩებზე, ვეძისში, ზემოუბანში, თელოვანში, ძველი ვეძისის ტერიტორიაზე.

მათივე განმარტებით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.