სახალხო დამცველი შს მინისტრს შეხვდა

საქართველოს სახალხო დამცველი ლევან იოსელიანი შინაგან საქმეთა მინისტრს ვახტანგ გომელაურს შეხვდა. ამის შესახებ ინფორმაციას სახალხო დამცველის აპარატი ავრცელებს.

მათი ინფორმაციით, ვახტანგ გომელაურმა ლევან იოსელიანს თანამდებობაზე არჩევა მიულოცა და სამომავლო საქმიანობაში წარმატება უსურვა.

შეხვედრაზე სახალხო დამცველის აპარატის მანდატი განიხილეს, შინაგან საქმეთა სამინისტროს მუშაობის სპეციფიკა და პრიორიტეტული მიმართულებები წარმოადგინეს, ადამიანის უფლებების დაცვის კუთხით ორი ინსტიტუციის სამომავლო თანამშრომლობის მნიშვნელობაზე ისაუბრეს და თანამშრომლობის გაღრმავებისა და კოორდინაციის მექანიზმების ჩამოყალიბების შესახებ იმსჯელეს.

„სახალხო დამცველმა ხაზი გაუსვა ბოლო პერიოდში სამოქალაქო აქტივისტებისა და უფლებადამცველების აქციებზე განვითარებულ მოვლენებს და შინაგან საქმეთა სამინისტროს მხრიდან რეაგირების საკითხს. ასევე, იმსჯელეს შსს-სა და სამოქალაქო სექტორის წარმომადგენლებს შორის თანამშრომლობის ფორმატის შემუშავების აუცილებლობაზე.

შეხვედრას სახალხო დამცველის პირველი მოადგილე თამარ გვარამაძე და შინაგან საქმეთა მინისტრის მოადგილეები შალვა ბედოიძე და ალექსანდრე დარახველიძე ესწრებოდნენ“,- ნათქვამია გავრცელებულ ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია