საქართველო ყოველთვის იყო, არის და იქნება უკრაინის გვერდით, - ამის შესახებ იუსტიციის მინისტრმა რატი ბრეგაძემ კახოვკის ტრაგედიასთან დაკავშირებით ჟურნალისტებს განუცხადა.

მისივე თქმით, ყველა შესაძლებლობა იქნება იმისთვის გამოყენებული, რომ საჭირო დახმარება გაეწიოს უკრაინელ ხალხს.

„ეს არის უდიდესი ტრაგედია. სამართლებრივი შეფასება გაკეთდება ჰააგაში მიმდინარე გამოძიების ფარგლებში. რაც შეეხება უშუალოდ დახმარებას, საქართველო ყოველთვის იყო, არის და იქნება უკრაინის გვერდით. იცით, რომ მრავალი სახის დახმარება გაუწია საქართველომ უკრაინას, უკრაინელ ხალხს და დარწმუნებული ვარ, ყველა შესაძლებლობა იქნება იმისთვის გამოყენებული, რომ საჭირო დახმარება გაეწიოს უკრაინელ ხალხს.

ამ კონკრეტულ შემთხვევასთან დაკავშირებით არ მაქვს ინფორმაცია, მაგრამ დარწმუნებული ვარ, ისე როგორც ყველა სხვა შემთხვევაში, როცა უკრაინელ ხალხს სჭირდებოდა დახმარება, საქართველო დაეხმარა, ახლაც და მომავალშიც, როცა მსგავსი ტიპის საჭიროება იქნება, შესაბამისი დახმარება იქნება აღმოჩენილი“, - განაცხადა რატი ბრეგაძემ.