გეგმური სარეაბილიტაციო სამუშაოების გამო, „ენერგო-პრო ჯორჯიას“ ქსელში არსებული აბონენტების ნაწილს ელექტროენერგიის მიწოდება შეეზღუდება.

როგორც კომპანიის მიერ გავრცელებულ ინფორმაციაშია აღნიშნული, გამანაწილებელ ქსელში დაგეგმილი სარეაბილიტაციო სამუშაოების გამო 9 ივნისს 10:30-დან 14:30 საათამდე ელექტროენერგიის მიწოდება შეეზღუდებათ აბონენტებს ყაზბეგის მუნიციპალიტეტის სოფლებში: სნო, აჩხოტი, არშა, ახალციხე, კარკუჩა, ჯუთა, გაიბოტენი, გარბანი.

„11:00-დან 19:00 საათამდე, ძაბვა შეუწყდებათ აბონენტებს მცხეთის მუნიციპალიტეტის სოფლებში ციხისძირი, ქანდა, ძველი ქანდა, მუხრანი, პატარა ქანდა, ქსანი, წიწამური; 16:00-დან 18:00 საათამდე - სოფელ ცხვარიჭამიაში.

11:00-დან 16:00 საათამდე, დენი გაითიშება დუშეთის რაიონის სოფლებში: ჩანადირთკარი, საკრამული, მლაშე, ბაგა, საშაბურო, ბოდორნა, ლაზვიანი, ნაგლიანთკარი, ყარსიმაანთკარი, ბაგიჭალა, ბაზალეთი, კოჭობა, თხილიანა, ხოლო 16:00-დან 19:00 საათამდე - აბონენტებს ბაზალეთის ტბაზე, სოფლებში: ჩანადირთკარი, მლაშე, უნდილაანთკარი, გრიგოლაანთკარი, ბერთამთა, შალიკიანთკარი, საშაბურო, ჩუბინიანთკარი, პირმისაანი, ბაგიჭალა.

კომპანიის ცნობით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.