„ლელოს“ წევრის დეა მეტრეველის ინფორმაციით, კულტურული მემკვიდრეობის სააგენტომ სოფელ ხოვლეში ივანე ჯავახიშვილის სახლ-მუზეუმის საინჟინრო-საპროექტო მომსახურებაზე ტენდერი, მათ მიერ საკითხით დაინტერესების შემდეგ გამოაცხადა.

„ჩვენ მიერ 7 მაისს სოფელ ხოვლეში ნგრევის პირას მისული ივანე ჯავახიშვილის სახლ-მუზეუმის მონახულების, მემკვიდრეობის სააგენტოში, თსუ-სა და კასპის მერიაში წერილების დაგზავნის, ასევე ტელევიზიებში პრობლემის გაშუქების შემდეგ, კულტურული მემკვიდრეობის სააგენტომ ძეგლის საინჟინრო-საპროექტო მომსახურებაზე (NAT230010482) ტენდერი დაჩქარებულად 15 მაისს გამოაცხადა. ბრძოლას და საზოგადოების აქტიურობას ყოველთვის აქვს აზრი! რა თქმა უნდა, თვალყურს მივადევნებთ აღნიშნულ პროცესს, რომელიც, იმედია, ძეგლის საუკეთესო ინტერესების სრული გათვალისწინებით დასრულდება,” - განაცხადა დეა მეტრეველმა.