სმენადაქვეითებული არასრულწლოვანი გოგონების სავარაუდო სექსუალურ შევიწროებასთან დაკავშირებით გამოძიების ფარგლებში, მუქარის ბრალდებით დაკავებულ პირს ქუთაისის საქალაქო სასამართლომ აღკვეთის ღონისძიების სახედ პატიმრობა შეუფარდა.

დაცვის მხარემ სასამართლო პროცესზე შუამდგომლობა დააყენა, რომ ბრალდებული 4 ათას ლარიანი გირაოს სანაცვლოდ გათავისუფლებულიყო, თუმცა მოსამართლემ ადვოკატების შუამდგომლობა არ გაითვალისწინა და მას აღკვეთის ღონისძიების სახედ პატიმრობა შეუფარდა.

გამოძიების ინფორმაციით, შეზღუდული შესაძლებლობის მქონე პირების მიმართ შესაძლო სექსუალურ ძალადობასთან დაკავშირებით სოციალურ ქსელში ინფორმაციის გავრცელების შემდეგ, ბრალდებული არასრულწლოვანს სიცოცხლის მოსპობით დაემუქრა.