თურქეთის დედაქალაქ ანკარაში რაკეტების ქარხანაში აფეთქება მოხდა. თურქეთის თავდაცვის სამინისტროს ინფორმაციით, შემთხვევას ხუთი ადამიანი ემსხვერპლა.
მათი ცნობით, აფეთქება თურქეთის დედაქალაქის ელმადაგის რაიონში მოხდა. დაღუპულები ქარხანაში დასაქმებული პირები არიან.
თურქეთის სახელმწიფო სააგენტო „ანადოლუს“ ინფორმაციით, ქარხანაში აფეთქება ხანძრის შედეგად მოხდა. ადგილზე მობილიზებული იყო სამაშველო და სასწრაფო დახმარების სამსახურები. მომხდართან დაკავშირებით დაწყებულია გამოძიება.
