ირაკლი კობახიძე მიიჩნევს, რომ თუ ევროკავშირი 12 რეკომენდაციიდან არ ამოიღებს პუნქტს დეოლიგარქიზაციის შესახებ, ეს იმას ნიშნავს, რომ სინამდვილეში ვენეციის კომისიის მიდგომას არ იზიარებენ

„ქართული ოცნების" თავმჯდომარე ირაკლი კობახიძე მიიჩნევს, რომ თუ ევროკავშირი 12 რეკომენდაციიდან არ ამოიღებს პუნქტს დეოლიგარქიზაციის შესახებ, ეს იმას ნიშნავს, რომ სინამდვილეში ვენეციის კომისიის მიდგომას არ იზიარებენ.

როგორც კობახიძემ ჟურნალისტებთან საუბარში განმარტა, თუ პუნქტი დეოლიგარქიზაციის შესახებ არ იქნება 12 პუნქტიდან ამოღებული, მაშინ ამოქმედდება ის კანონი, რომელიც პარლამენტმა მიიღო.

"თუ არ იქნება 12 პუნქტიდან ამოღებული, მაშინ ამოქმედდება ის კანონი, რომელიც მივიღეთ. თუ არ ამოიღებენ პუნქტს დეოლიგარქიზაციის შესახებ, მაშინ გამოდის, რომ არ იზიარებენ სინამდვილეში ვენეციის კომისიის მიდგომას. თუ ამოიღებენ, ამ შემთხვევაში კანონი გაუქმდება, თუ არ ამოიღებენ ამ შემთხვევაში კანონი ამოქმედდება. თუმცა კიდევ ერთხელ ვდებთ პირობას, რომ უკრაინული მეთოდებით ეს კანონი არც ერთ შემთხვევაში არ იმოქმედებს საქართველოში. საქართველოში არც ერთ შემთხვევაში არ იქნება ეს კანონი გამოყენებული, არც ბიზნესის რეკეტისთვის, არც მანკიერი ინტერესებისთვის, რაც ჩვენ მძიმედ გვახსოვს 2012 წლამდე. ჩვენ ბიზნესის რეკეტი წარსულს ჩავაბარეთ 2012 წელს საქართველოში. უკრაინაში განხორციელდა ამ კანონის საფუძველზე, დეოლიგარქიზაციის შესახებ კანონის საფუძველზე, ბიზნესის რეკეტი, მათ შორის, მედიასაშუალებები გადაუფორმეს ბიზნესმენებმა სახელმწიფოს. ჩვენ არავითარ შემთხვევაში ამ უხეში მიდგომით, ბიზნესის რეკეტის მიდგომით, არ დავნერგავთ ამ კანონს",- განაცხადა კობახიძემ.

მისი თქმით, ამ თემასთან დაკავშირებით კონსულტაციები გაგრძელდება.

"კონსულტაციები, ბუნებრივია, იქნება ჩვენ, რა თქმა უნდა, დავინტერესდებით დამატებითი განმარტებით, ჩვენ ავუხსნით მათ, რა წინააღმდეგობა არის ევროკომისიის ჩანაწერსა და ვენეციის კომისიის პოზიციას შორის. კონსულტაციებისთვის, რა თქმა უნდა, ბოლომდე ვართ ღია",- განაცხადა კობახიძემ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა