ვლადიმერ პუტინი ბირთვული იარაღის გამოყენებაზე - აბა, რატომ უნდა შევაშინოთ მთელი მსოფლიო - ექსტრემალური საშუალებების გამოყენება შესაძლებელია, თუ საფრთხე ემუქრება რუსეთის სახელმწიფოებრიობას
რუსეთის პრეზიდენტმა ვლადიმერ პუტინმა ბირთვული იარაღის გამოყენების შესაძლებლობაზე საუბრისას განაცხადა, რომ არ არის საჭირო მთელი მსოფლიოს შეშინება. მისი თქმით, ექსტრემალური საშუალებების გამოყენებაზე საუბარი მხოლოდ მაშინ უნდა იყოს, როცა ქვეყნის არსებობას საფრთხე ემუქრება. ამის შესახებ „რია ნოვოსტი“ იუწყება.
მანამდე, პუტინმა ბელარუსში ბირთვული იარაღის განთავსებაზე საუბრისას თქვა, რომ ეს არის შეკავების ელემენტი - სიგნალი მათთვის, ვინც ფიქრობს რუსეთისთვის სტრატეგიული მარცხის მიყენებაზე.
ამერიკელი პოლიტოლოგის დიმიტრი საიმსის კითხვაზე, სწორია თუ არა ინტერპრეტაცია, რომ შეკავება ეფექტური რომ იყოს, მოწინააღმდეგემ მაინც უნდა დაუშვას შესაძლებლობა, რომ თუ შეკავება არ იმუშავებს, თქვენ გააკეთებთ იმას, რასაც მოითხოვს გარემოებები, პუტინმა უპასუხა:
„აბა, რატომ უნდა შევაშინოთ მთელი მსოფლიო. მე უკვე ვთქვი, რომ ექსტრემალური საშუალებების გამოყენება შესაძლებელია, თუ საფრთხე ემუქრება რუსეთის სახელმწიფოებრიობას და ამ შემთხვევაში, რა თქმა უნდა, გამოვიყენებთ რუსეთის სახელმწიფოს ხელთ არსებულ ყველა ძალას და საშუალებას. ამაში ეჭვი არ მეპარება“.
v-if="article.gallery" v-html="article.gallery"
