7 ნოემბრის საქმეზე თბილისის საქალაქო სასამართლოში საქართველოს მესამე პრეზიდენტის, მიხეილ სააკაშვილის სასამართლო პროცესი, დღეს აღარ გაიმართება.

არსებული ინფორმაციით, აღნიშნულის მიზეზი მოსამართლეთა კოლეგიიდან ერთ-ერთის არყოფნა გახდა.

უცნობია, თუ როდის ჩატარდება შემდეგი სხდომა.

მიხეილ სააკაშვილმა საკუთარ სასამართლო პროცესზე დისტანციურად დასწრების სურვილი სოციალურ ქსელში გუშინ გამოთქვა. „აბა ვნახოთ თუ გაბედავენ ხვალ “სასამართლოზე” ჩემს ჩართვას”,- დაწერა სააკაშვილმა „ფეისბუკზე“.