საქართველოს ფინანსთა სამინისტროს საგამოძიებო სამსახურსა და ყაზახეთის რესპუბლიკის ფინანსური მონიტორინგის სააგენტოს შორის მემორანდუმი გაფორმდა

საქართველოს ფინანსთა სამინისტროს საგამოძიებო სამსახურის უფროსი - სოსო რამიშვილი, სხვა ხელმძღვანელ პირებთან ერთად, ოფიციალური ვიზიტით ყაზახეთის რესპუბლიკის ფინანსური მონიტორინგის სააგენტოს ეწვია.

ფინანსთა სამინისტროს საგამოძიებო სამსახურის ინფორმაციით, ვიზიტის ფარგლებში შეხვედრები გაიმართა უწყებების პირველ პირებს შორის, რომლებმაც განიხილეს ისეთი მნიშვნელოვანი საკითხები, როგორებიცაა საფინანსო-ეკონომიკურ სფეროში ჩადენილი დანაშაულის წინააღმდეგ ბრძოლა და საგადასახადო და საბაჟო დანაშაულების პრევენცია. მხარეებმა ისაუბრეს, საკუთარი კომპეტენციის ფარგლებში, ანალიტიკური მიმართულებით არსებული მეთოდოლოგიისა და პრაქტიკის შესახებ გამოცდილების ურთიერთგაზიარების მნიშვნელობაზე.

უწყების ცნობით, ვიზიტის ფარგლებში, გაფორმდა პარტნიორობისა და თანამშრომლობის შესახებ მემორანდუმი, რომელიც ხელს შეუწყობს საქართველოსა და ყაზახეთის რესპუბლიკის კოლეგა უწყებებს შორის, საფინანსო-ეკონომიკურ სფეროში ჩადენილი დანაშაულის გამოვლენის, აღკვეთისა და გამოძიების კუთხით ორმხრივი თანამშრომლობის კიდევ უფრო გაღრმავებას და გააქტიურებას.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა