საქართველოს ბიზნეს ასოციაციამ და TBC კაპიტალმა ელექტროენერგიის დაყვანილი ღირებულების (Levelized Cost of Energy) პირველი კვლევა წარადგინეს

USAID-ის განახლებადი ენერგიის საინვესტიციო კონფერენციის სადისკუსიო პანელზე, რომელსაც მოდერაციას საქართველოს ბიზნეს ასოციაციის აღმასრულებელი დირექტორი, ლევან ვეფხვაძე უწევდა, TBC კაპიტალის უფროსმა ასოცირებულმა მკვლევარმა ანდრო თვალიაშვილმა ელექტროენერგიის დაყვანილი ღირებულების (Levelized Cost of Energy) პირველი კვლევის შედეგები წარადგინა.

ბიზნეს ასოციაციის ინფორმაციით, კვლევა საქართველოს ბიზნეს ასოციაციის დაკვეთით TBC კაპიტალმა მოამზადა იმ მონაცემებზე დაყრდნობით, რომელიც თიბისი ბანკში წარდგენილი პროექტები მოიცავს.

მათივე ცნობით, აღსანიშნავია, რომ კონფერენცია, მიზნად ისახავდა ენერგეტიკის დარგში ჩართული მხარეების გამოცდილების გაზიარებასა და განახლებადი ენერგიის წყაროების განვითარების შესაძლებლობების შესახებ ცნობიერების ამაღლებას. ამასთან, კონფერენციაზე წარდგენილი ელექტროენერგიის დაყვანილი ღირებულება მსოფლიოში აღიარებული ერთ-ერთ უმთავრესი მეტრიკაა, რომელიც ელექტროგენერაციის ობიექტის მშენებლობის შემდეგ, კონკრეტული ტექნოლოგიის (ჰიდრო, მზე, ქარი) მიხედვით, წარმოებული ელექტროენერგიის თვითღირებულებას განსაზღვრავს.

ლევან ვეფხვაძის განცხადებით, „აღნიშნული მონაცემები გარკვეულწილად განსხვავდებოდა იმ შედეგებისგან, რომელიც ინვესტორებმა მარტში გამართული სიმძლავრის აუქციონებზე წარადგინეს, შესაბამისად, საინტერესო იყო სწორად შეფასება, ასევე, მომავალი აუქციონებისთვის იმ ფაქტორების გათვალისწინება, რომელიც ინვესტორების ქცევაზე ყველაზე მეტად ახდენს გავლენას“.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა