თინა ბოკუჩავა სააკაშვილზე - „ქართულ ოცნებას“ ეტყობა არც საკუთარი ისტორია ესმის და არც სხვა ქვეყნების ისტორიიდან იცის რაიმე, ნელსონ მანდელას პატიმრობა მაინც შეუძლიათ შეისწავლონ

„ქართულ ოცნებას“ ეტყობა არც საკუთარი ისტორია ესმის და არც სხვა ქვეყნების ისტორიიდან იცის რაიმე, ნელსონ მანდელას პატიმრობა მაინც შეუძლიათ შეისწავლონ, - ასე პასუხობს "ნაციონალური მოძრაობის" წევრი თინა ბოკუჩავა "ქართულ ოცნებას" ბრალდებებზე, რომ მიხეილ სააკაშვილი მთელი ამ ხნის განმავლობაში საზოგადოებას ატყუებდა.

ბოკუჩავას შეფასებით, სააკაშვილის განცხადება, რომ მზად არის ჩაერთოს ქვეყნის პოლიტიკურ ცხოვრებაში, მისასალმებელია და ეს მეტყველებს იმაზე, რომ სააკაშვილი საქართველოში კომფორტისთვის არ ჩამოსულა.

„ქართულ ოცნებას" ეტყობა არც საკუთარი ისტორია ესმის და არც სხვა ქვეყნების ისტორიიდან იცის რაიმე. მაგალითად ნელსონ მანდელას პატიმრობა მაინც შეუძლიათ შეისწავლონ, რომელიც არაადამიანური მოპყრობის და წამების სამიზნე იყო მრავალი წლის განმავლობაში, შემდეგ ის დაბრუნდა პოლიტიკაში. არაადამიანური, წამების ტოლფასი მოპყრობა არ გამორიცხავს, რომ ადამიანმა შემდეგ მაინც შეძლოს სხვადასხვა სახით ჩაერთოს პოლიტიკურ პროცესში და გააკეთოს ქვეყნისთვის სიკეთე,"- განაცხადა ბოკუჩავამ.

ამასთან, ბოკუჩავა გამოეხმაურა ოპოზიციური ერთობის შესახებ ლევან ხაბეიშვილის განცხადებას და აღნიშნა, რომ საარჩევნოდ ფორმალური ერთობის შესაძლებლობა არ არსებობს, თუმცა, კოორდინაცია მნიშვნელოვანია.

"ფორმალური ბლოკები არ არის დაშვებული, მაგრამ კონსოლიდაცია და ურთიერთდაპირისპირების რეჟიმის გამორიცხვა არის ძალიან მნიშვნელოვანი. მთავარი სამიზნე არის რუსული რეჟიმის ცვლილება და ამაზე უნდა ვკონცენტრირდეთ,"- განაცხადა ბოკუჩავამ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო