ლევან ხაბეიშვილი - დასავლეთი ფიქრობს, რომ საქართველოში არის რუსული ხელისუფლება, ასეც არის და შემდგარი ფაქტია, თუმცა ხალხი კანდიდატის სტატუსს იმსახურებს

დასავლეთი ფიქრობს, რომ საქართველოში არის რუსული ხელისუფლება და კი, ეს ასეც არის, შემდგარი ფაქტია, თუმცა ხალხი იმსახურებს კანდიდატის სტატუსს , - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა, რითაც The Guardian-ის სტატიას ეხმაურება.

ლევან ხაბეიშვილის განცხადებით, მთელი პასუხისმგებლობა ეკისრება ხელისუფლებას, რომელიც საბოტაჟირებს კანდიდატის სტატუსს.

„ნაციონალური მოძრაობა ლობირებს კანდიდატის სტატუსს მიუხედავად იმისა, რომ რუსული მთავრობა გვყავს. ყველა საერთაშორისო შეხვედრაზე და რამდენიმე დღის წინ ავსტრიის ელჩთან გვქონდა პირადად შეხვედრა და იქაც დავაფიქსირე, რომ უმნიშვნელოვანესია ქართველმა ხალხმა მიიღოს კანდიდატის სტატუსი. რუსი ივანიშვილის გამო, რუსული ხელისუფლების გამო, ქართველი ხალხი იქნებ არ დაისაჯოს, მაგრამ მესმის რეალობა, მათ შორის ჩვენი პარტნიორების მხრიდან ნეგატიური დამოკიდებულება იგივე ფრენებზე, ლავროვების, პუტინების ვოიაჟებზე, სანქციებთან დაკავშირებით და მესმის, რომ დასავლეთი ფიქრობს, რომ საქართველოში არის რუსული ხელისუფლება და კი, ეს ასეც არის, შემდგარი ფაქტია, თუმცა ხალხი იმსახურებს კანდიდატის სტატუსს. ამიტომ, „ნაციონალური მოძრაობა“ ყველგან ლობირებს კანდიდატის სტატუსს, თუმცა მთელი პასუხისმგებლობა ეკისრება ხელისუფლებას, რომელიც საბოტაჟირებს კანდიდატის სტატუსს და როგორც კი განხილვები მოვა, მაშინვე, ან მიხეილ სააკაშვილს უმძიმებენ მდგომარეობას, ან გვარამიას დააკავებენ, ან რუსეთთან აღადგენენ ფრენებს და ა.შ.“, - განაცხადა ლევან ხაბეიშვილმა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო