გურჯაანის რაიონულ სასამართლოში ,,ერთიანი ნაციონალური მოძრაობის", ,,დროას" და ,,გირჩი-მეტი თავისუფლებას" წევრების სასამართლო პროცესი 25 ივლისს გაგრძელდება.

პროცესი ხმაურის ფონზე მიმდინარეობდა, სიტყვიერი დაპირისპირება მოჰყვა შსს კახეთის პოლიციის სამხარეო დეპარტამენტის უფროსის მოადგილის გამოკითხვას, რა დროსაც სხდომათა დარბაზიდან აქტივისტი ნიკა ნარსია გააძევეს.

14 პირს შს სამინისტრო ადმინისტრაციულ სამართალდარღვევას, პოლიციელების კანონიერი მოთხოვნისადმი დაუმორჩილებლობას და წვრილმან ხულიგნობას ედავება. ისინი 20 მაისს ყვარელში, რუსეთის საგარეო საქმეთა მინისტრის, სერგეი ლავროვის სიძის ძმის ქორწილთან დაკავშირებით მიმდინარე საპროტესტო აქციაზე დააკავეს.