ნინო ვარდოსანიძე სამისამართო საკითხებში საერთაშორისო ექსპერტს  ფრენკ ჰაუგანს შეხვდა

თბილისის საკრებულოს სახელდებისა და სიმბოლიკის კომისიის თავმჯდომარე ნინო ვარდოსანიძე საჯარო რეესტრის ეროვნული სააგენტოს სამისამართო დეპარტამენტის წარმომადგენლებს და სამისამართო საკითხებში საერთაშორისო ექსპერტს ფრენკ ჰაუგანს შეხვდა.

საკრებულოს ინფორმაციით, შეხვედრაზე ორი უწყების მჭიდრო თანამშრომლობის შესახებ და ქუჩების სახელდების პროცესში საერთაშორისო პრაქტიკის გაზიარების მნიშვნელობაზე ისაუბრეს.

„ნინო ვარდოსანიძემ ფრენკ ჰაუგანს კომისიის საქმიანობის შესახებ დეტალური ინფორმაცია მიაწოდა და განაცხადა, რომ უცხოური გამოცდილების გაზიარება საუკეთესო პრაქტიკის დასანერგად ძალიან მნიშვნელოვანია.

საჯარო რეესტრის ეროვნული სააგენტოს სამისამართო დეპარტამენტის ხელმძღვანელმა ნინო ბახიამ სახელდებისა და სიმბოლიკის კომისიას აქტიური და ეფექტური თანამშრომლობისთვის მადლობა გადაუხადა. როგორც მან განაცხადა, დღევანდელი შეხვედრის მიზანი ქვეყნის სამისამართე სისტემაში ევროკავშირის მოთხოვნების შესაბამისად შესატან ცვლილებებზე მსჯელობა და ამ კუთხით საუკეთესო საერთაშორისო გამოცდილების გაზიარებაა.

ფრენკ ჰაუგანი დაინტერესდა, თუ რა წესით ხელმძღვანელობს თბილისის საკრებულო ქუჩების დამისამართების, შენობებზე აბრების გაკვრის და ნუმერაციის მინიჭებისას და როგორ ხდება ამ ყველაფრის რეესტრის წარმოება.

თბილისის საკრებულოში გამართულ სამუშაო შეხვედრაზე აღინიშნა, რომ აუცილებელია შეხვედრების დაგეგმვა, სადაც ქუჩების სახელდებისა და დამისამართების საერთო პოლიტიკა განისაზღვრება და ერთიანი კონცეფცია ჩამოყალიბდება“,- ნათქვამია ინფორმაციაში.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა