„ქართული ოცნების“ პარტიული კონფერენციები შიდა ქართლის რეგიონში დასრულდა.

პარტიის პრესსამსხურის ცნობით, გორში, ხაშურში, ქარელსა და კასპში გამართულ კონფერენციებზე ადგილობრივი ორგანიზაციების თავმჯდომარეები და ბიუროს წევრები აირჩიეს.

გორის ორგანიზაციას - გორის მუნიციპალიტეტის მერი, ვლადიმერ ხინჩეგაშვილი უხელმძღვანელებს; ხაშურის ორგანიზაციას - ხაშურის მუნიციპალიტეტის მერი თენგიზ ჩიტიაშვილი; ქარელის ორგანიზაციას - ქარელის მუნიციპალიტეტის მერი ზაზა გულიაშვილი; კასპის ორგანიზაციას - კასპის მუნიციპალიტეტის მერი, ვახტანგ მაისურაძე.

მიმდინარე კვირაში პარტიული კონფერენციები კახეთის რეგიონში გაიმართება.