თბილისის მერიასთან აქცია მიმდინარეობს
თბილისის მერიასთან აქცია მიმდინარეობს. აქციის მონაწილეები თბილისის მასშტაბით უკანონო მშენებლობებს აპროტესტებენ.
მათ ადგილზე მიტანილი აქვთ პლაკატები, წარწერით: „არა დიღმის დაბეტონებას", „მარიჯანის 6 ითხოვს შველას, ვინგრევით და ვუგუდებით", „სუფთა ჰაერი ჩემი უფლებაა", „ბატონო კახი დაგვიბრუნე სიონის სტადიონი, შეასრულე შენი ნათქვამი სიტყვა" და ა.შ.
მოძრაობა „ჩემი ქალაქი მკლავს" დამფუძნებლის, გიორგი ჯაფარიძის განცხადებით, მათი მთავარი მოთხოვნა დედაქალაქის მერთან, კახა კალაძესთან შეხვედრა და მისგან უკუკავშირის მიღებაა.
„აქ 6 უბნის გაერთიანებული აქცია მიმდინარეობს. 5 უბანი მშენებლობას აპროტესტებს, რომლის მშენებლობაც საკუთარი სახლის წინ მიმდინარეობს, ხოლო ერთი უბანი ფონიჭალაა, სადაც ფეროს ქარხნისა და სხვადასხვა ქარხნების მშენებლობაზეა საუბარი. ეს უბნებია: მუხიანი, ზალდასტანიშვილების ქუჩა, მარიჯანის ქუჩა, ტვერელი, სადაც ეკლესიაა ჩაბეტონებილი, დიღმის მასივი და ფონიჭალა. მთავარი მოთხოვნა ქალაქის მერთან, კახა კალაძესთან შეხვედრა და მისგან უკუკავშირის მიღებაა",- განაცხადა გიორგი ჯაფარიძემ.
ადგილზე მობილიზებულია საპატრულო ეკიპაჟიც.
This is a modal window.
v-if="article.gallery" v-html="article.gallery"
