სადაც უსაფრთხოების რისკია, ქორწილი იქნება, თუ გასვენება, ყველგან ვართ - ჩვენ მივესალმებით მშვიდობიან სტუმრებს, - ამის შესახებ სახელმწიფო უსაფრთხოების სამსახურის უფროსმა, გრიგოლ ლილუაშვილმა ჟურნალისტებთან საუბრისას განაცხადა, რითაც საქართველოში რუსეთის მოქალაქეების შემოსვლასთან დაკავშირებულ კითხვას უპასუხა.

როგორც ლილუაშვილმა აღნიშნა, სუს-ი ყველას უსაფრთხოებას იცავს.

“სადაც უსაფრთხოების რისკია, ქორწილი იქნება, თუ გასვენება, ყველგან ვართ. ადამიანებს, ვისაც დარღვეული არ აქვთ საქართველოს კანონი "ოკუპაციის შესახებ", არ წარმოადგენენ უსაფრთხოებისთვის განსაკუთრებული რისკის შემცველ პიროვნებებს, ასევე, ტურიზმის განვითარებაში პოტენციურად შეაქვთ დიდი წილი. ჩვენ მივესალმებით მშვიდობიან სტუმრებს. ჩვენ ვიცავთ როგორც საქართველოს მოქალაქეებს, ისე სტუმრებს და ყველას”, - აღნიშნა ლილუაშვილმა.