ირაკლი კობახიძე - საგარეო პოლიტიკური პრიორიტეტები ნათელი და გაცხადებულია, ამას საზოგადოება ხედავს

საგარეო პოლიტიკური პრიორიტეტები ნათელი და გაცხადებულია, ამას საზოგადოება ხედავს, - ასე ეხმაურება „ქართული ოცნების“ თავმჯდომარე ირაკლი კობახიძე ბელარუსის პრეზიდენტის, ალექსანდრე ლუკაშენკოს განცხადებას.

როგორც კობახიძემ აღნიშნა, ქვეყნისთვის სავაჭრო-ეკონომიკურ პრიორიტეტები მნიშვნელოვანია.

„საზოგადოება ხედავს, რა არის ჩვენი პოლიტიკის შინაარსი. რაც შეეხება საგარეო პოლიტიკურ პრიორიტეტებს, ეს არის ნათელი და გაცხადებული. ძალიან მკაფიოა ჩვენი საგარეო-პოლიტიკური პრიორიტეტები. რაც შეეხება სავაჭრო-ეკონომიკურ პრიორიტეტებს, ჩვენთვის ესეც მნიშვნელოვანია. ეს არის ჩვენი პოზიცია და საზოგადოება ხედავს. სხვა თემაზე კომენტარს ვერ გავაკეთებ“,- აღნიშნა კობახიძემ.

ცნობისთვის, რუსული მედიის ინფორმაციით, ბელარუსის პრეზიდენტმა ალექსანდრე ლუკაშენკომ დღეს, განაცხადა, რომ „საქართველო სავსეა დასავლეთის დაპირებებით და სურს დაბრუნდეს პოსტსაბჭოთა ქვეყნების ბაზრებზე“.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა