თინა ბოკუჩავა - ევროკავშირის მნიშვნელოვანი ვალდებულებები - დეოლიგარქიზაცია, მართლმსაჯულების რეფორმა, მედიათავისუფლება, შესრულებული არ არის - ხელისუფლება ყველაფერს აკეთებს, რომ ქვეყანამ კანდიდატის სტატუსი არ მიიღოს

ევროკავშირის არც ერთი მნიშვნელოვანი ვალდებულება - არც დეპოლარიზაცია, არც დეოლიგარქიზაცია, არც მართლმსაჯულების რეფორმა და არც მედიათავისუფლება შესრულებული არ არის - საქართველოს ხელისუფლება ყველაფერს აკეთებს იმისთვის, რომ ქვეყანამ კანდიდატის სტატუსი არ მიიღოს, - ამის შესახებ ჟურნალისტებს ფრაქცია „ნაციონალური მოძრაობის“ თავმჯდომარემ თინა ბოკუჩავამ განუცხადა.

ბოკუჩავას თქმით, თუკი საქართველოს ევროკავშირის წევრობის კანდიდატის სტატუსს მიანიჭებენ, ეს დამატებითი დათქმებით მოხდება.

ბოკუჩავა იმედი გამოთქვამს, რომ ქართველი ხალხის პროევროპულობის გამო, ქვეყანა სტატუსის მიღების შესაძლებლობას არ დაკარგავს.

„პროგნოზების გაკეთება ძალიან რთულია, მაგრამ იმედს ვიტოვებთ, რომ ევროკავშირი ქართველ ხალხს ამ უნიკალურ შესაძლებლობას არ წაართმევს. ახლა ევროკავშირში გაფართოების პოლიტიკური ნება არსებობს და სწორედ ამ პოლიტიკური ნების გამოყენება და საქართველოს ისტორიული შესაძლებლობის რეალიზება არის, რისთვისაც ვმუშაობთ ჩვენ - ოპოზიცია იმის მიუხედავად, რომ ხელისუფლება, რომლის ვალდებულებაც რეკომენდაციების შესრულებაა, ამ ვალდებულებას საერთოდ არ ასრულებს“, - განაცხადა თინა ბოკუჩავამ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა