ევროკავშირის წარმომადგენლობა საქართველოში Tbilisi Open Air-ზე იქნება წარმოდგენილი. ამის შესახებ ინფორმაციას ევროკავშირის წარმომადგენლობა საქართველოში ავრცელებს.

მათი ინფორმაციით, ევროკავშირის წარმომადგენლობა საქართველოში 23, 24 და 25 ივნისს Tbilisi Open Air-ის ფესტივალზე იქნება წარმოდგენილი ინტელექტუალური თამაშით „ევროპის გზა". „ეს გასართობი და შემეცნებითი აქტივობა მიზნად ისახავს, ფესტივალის სტუმრებს მისცეს შესაძლებლობა, გაიგონ მეტი ევროპის შესახებ, აღმოაჩინონ საინტერესო ფაქტები ევროკავშირისა და მისი წევრი სახელმწიფოების შესახებ.

„ევროპის გზა" დიდი ზომის სამაგიდო თამაშია, რომელსაც პოპულარული ტელეწამყვანი დავით გორგილაძე უმასპინძლებს. თამაში შექმნილია „კონრად ადენაუერის სახელობის ფონდის" მიერ ევროკავშირის მხარდაჭერით“, - ნათქვამია ინფორმაციაში.